ماني, مـثل, مــاعنــدي, ابـاو, قلبين, قـلب

بنات الفكر غارن يوم شافٍ ناعس العينين
وجنّي مسرعاتٍ تسبق الاحبار مكتوبه
وفاق الهاجس اللي عن كلام الحب له عامين
وجدد صورة الماضي عقب غفوة بغيبوبة
حسبت القلب يدله مثل ناسٍ فالزمن ناسين
لكنّ القلب في لحظة ذكر خله ومحبوبه
وقام العاشق ايشيل البيوت وجرّها تلحين
يغنّيها بشوقٍ للغلا متوجهٍ صوبه
عفيفٍ فيه حشمة جامعٍ بالحسن هالثنتين
جمال المظهر وكل السجايا فيه مرغوبة
عليه اعيون سودٍ ذابحة من شافها بيلين
تليّن قاسي القلب ابحَوَرْهَا تشغف اسلوبه
وله وجهٍ كما بدرٍ سطع نوره بعال البين
ليا منه كمل نص الشهر مثل القمر ثوبه
وحواجب رسمها فاتن وزاد الزين زين وزين
جذب رمشين عينيها عواكف فوق مسحوبه
وأنفٍ مثل سلة سيف ضربه ناتجه قسمين
يشيل الراس عن متنه عطيبٍ دوم بضروبه
ولونٍ يملحه يخلط بياضه شع من وجنين
كما لون الورود الحمر وسط الخد مندوبه
وشعر لامع جمع باللمع وسط الشعر هالضدين
سوادٍ معتلي لونه جليد الثلج يطفوبه
وعنقٍ مثل عنق الريم مالي فيه انا وصفين
طويل العنق ياعالم بوصفه يطلق اعجوبه
جماله فاق وصفي ناعمٍ فارق عن الحلوين
بزين الخلق والستر الحشيم البنت رعبوبة
غزاني جيشها بالحب جوف القلب له تمكين
بنا مستعمراته جوف قلبي طوبه وطوبه
طغا فالاحتلال وهكذا فعل اللذي غازين
ليامن حلوا ابدار السلام الدار منكوبه
عقب نوم الليالي بالهنا عاف الكرى جفنين
وصرت اسهر على شوقي وطول الليل انا اسهوبه
وصار الفكر مشغولٍ خيالٍ دايمٍ يغشين
اسج ابداخل المجلس ولادري ويش يحكوبه
مثل مجنون فاقد للعقل من سبت الغالين
بعد ماصدقوا فينا هروجٍ زور مكذوبه
رغم هذا نظمت الشعر ماهمّوني الواشين
عساها تفهم العاشق وقلبي بانت اعطوبه
انا مانيب مثل اللي يحب الغدر والتّخوين
على مبدا الكرامة في طريق العز ودوربه
حشا مانيب انا اللي يهتوي يلعب على الحبلين
ولاني مثل شخصٍ شكل وجهه مثل عرقوبه
انا مافيني ألا قلب ماني مثل ابو قلبين
يْحَْسب الحب لهوٍٍ فيه يفعل كل ملعوبه
انا يابنت ماني مرخصك فالقلب لك تثمين
رغم ماصار خيمة حبنا فالقلب منصوبه
في وسط القلب من عامين مبنية لحد الحين
حشا ماهدها وقتٍ عليها هبت اهبوبه
اببقى وافين يوم العرب قلوا بهم وافين
وفيٍ عاشقٍ لك يا منا قلبي ومطلوبه
قواف الشعر تحكي بعد صمتٍ جايله عامين
دعاها شوقٍ ابقلبي بصفو الحب مكتوبه

المصدر: : مفكرة العرب - منتديات مفكرة العرب : - من قسم: شعر و شعراء وهمس القوافي

ابيات شعر جميله جداً جداً

تقبلي ردي المتواضع بكل ود

ودمتي على المحبه